सुनसरीको बर्जु गाउँपालिका–४ जयनगर टोलमा आगलागी भएको छ । घटना आइतबार दिउँसो विराटनगर नजिकै भएको हो । आगलागीबाट २७ घर जलेर नष्ट भएको प्रहरीले जनाएको छ ।
दिउँसो करिब ३ बजे जयनगरको मुस्लिम टोलमा आगलागी भएको हो । विराटनगरसहित विभिन्न नगरपालिकाका ६ वटा दमकलले आगो नियन्त्रणमा लिएको बर्जु–४ का अध्यक्ष विनोदबहादुर गुरुङले जानकारी दिए ।
खरानी भएका घरका कारण आगो फैलिएको उनले बताए । आगलागीबाट ४५ लाख ५० हजार रुपैयाँ बराबरको क्षति भएको सुनसरी प्रहरीका प्रहरी निरीक्षक विपिन रेग्मीले जानकारी दिए । उनले प्रभावितलाई राहत वितरणको तयारी भइरहेको पनि बताए ।
