अनितादेवी साहको हत्या घर ५ चैत, जनकपुरधाम । फागुन ७ गते बिहान सिरहाको गोलबजार नगरपालिका–६ मा ३२ वर्षीया अनितादेवी साहको विभत्स हत्या गरिएको थियो ।
बिहान २ बजेतिर ३५ वर्षीय महेन्द्र साह घरबाट निस्केर स्थानीयलाई घटनाबारे जानकारी गराएपछि प्रहरीलाई खबर गरिएको थियो । साह दम्पती विगत ६ महिनादेखि स्थानीय सिकेन्द्र साहको घरमा महेन्द्र साहको भाडामा बसेर ‘न्यू स्टार’ नामक होटल चलाउँदै आएका थिए ।
अनिताको शव होटल भित्र सुत्ने कोठामा भेटिएको थियो । उनको शरीरका विभिन्न भागमा विभिन्न हतियार र आक्रमणका निशानहरू फेला परेका थिए। घटनामा संलग्न उनका श्रीमान् महेन्द्रसहित केहीलाई प्रहरीले नियन्त्रणमा लिएको छ । अनिताको निर्मम हत्या श्रीमान् महेन्द्रले गरेको सिरहा प्रहरीका प्रवक्ता डिएसपी रविन्द्रराज पाण्डेले बताए ।
