मोरङमा सशस्त्र प्रहरी बलका एक डीएसपी मृत फेला परेका छन् । धनपालथान गाउँपालिका–३ गुल्मीको सोराभाग प्रहरी चौकीका प्रमुख प्रहरी नायब उपरीक्षक उपेन्द्र बस्याल सोमबार दिउँसो मृत अवस्थामा फेला परेका छन् ।
डिएसपी बस्यालको शव उनको कार्यालयको क्वार्टरमा फेला परेको थियो । सोमबार दिउँसो करिब ३ः३० बजे उनी मृत अवस्थामा फेला परेका थिए । प्रहरीका अनुसार उनी बाहिरी झ्यालबाट भित्रबाट बन्द अवस्थामा देखिएका थिए ।
तर, प्रहरी अझै कोठाभित्र पसेको छैन । बस्यालका परिवारलाई बोलाइएको छ । उनीहरू आएपछि मात्र कोठामा प्रवेश गर्न दिइनेछ। उनको मृत्युको कारण भने अझै खुल्न सकेको छैन ।
